Гісторыя касцёла
Першапачаткова парафія ў Пружанах была зафундаваная пад патройным тытулам - у гонар Унебаўзяцця Найсвяцейшай Марыі Панны, св. Ганны і святых пакутнікаў каралёў Жыгімонта і Вацлава. Фундуш склаў Вацлаў Косцевіч, маршалак надворны, уладар Пружанаў і кобрынскі староста.
Пасля ягонай смерці ў 1532 годзе землі Кобрынскага староства, у склад якога ўваходзілі Пружаны, перайшлі да каралевы Боны Сфорцы, другой жонкі Жыгімонта I, якая  заахвочвала развіваць рамёствы, гандаль і земляробства. Пружаны за яе ўладай сталі мястэчкам. Пружанскі каралеўскі двор служыў рэзыдэнцыяй пад час палявання каралеўскай сям’і ў Ружанскай і Белавежскай пушчах. Актам ад 23 красавіка 1534г. каралева Бона Сфорца павялічыла фундуш, аддаўшы парафіі карчму ў Пружане, “ануату з двору пружанскага”, права карыстання дрэвам з пушчаў эканоміі і фальварак, які хутка атрымаў назву Плябанцы. Цалкам аформлены фундуш пацвярджалі, памнажалі і надавалі прывілеі ў свае часы каралевы Ганна Ягелонка (дачка Боны) і Канстанцыя, каралі Жыгімонт, Аўгуст, Уладзіслаў ІV, Ян Казімір, Жыгімонт ІІІ, Ян Сабескі. Грашовымі ахвяраваннямі далучалася і мясцовая шляхта: Марцін Шчавінскі, Хрыстына Лахоўская, Ян Бухавецкі, Самуэль Жардзецкі, Станіслаў Тавянскі і інш.

Чытаць далей