Згодна з традыцыяй Каталіцкага Касцёла, літургічнае ўшанаванне Крыжа адбываецца ў Вялікую Пятніцу.
Крыж Панскі - найвялікшая святыня хрысціянства. Ён — бачнае і адчувальнае сведчанне нашага збаўлення, якое здзейснілася на ім праз адкупленчую ахвяру Езуса Хрыста. Часткі Крыжа, якія захаваліся да нашых дзён, служаць не толькі абстрактным, але цалкам адчувальным матэрыяльным мастком да найважнейшых падзей сусветнай гісторыі, якія дзве тысячы гадоў таму адбыліся на Галгофе. Шанаванне, якое вернікі аддаюць Крыжу, непарыўна звязана з пакланеннем укрыжаванаму на ім Збавіцелю. І святыя рэліквіі Крыжа дазваляюць нам у малітве не толькі духоўна, але і фізічна ўвайсці ў таямніцу смерці і Уваскрасення Пана.
Гісторыя пошукаў Крыжа
